洲際盃 葡萄牙大捷 孖住墨西哥入4強

作者:SHARON    發表日期:2018-09-29 08:20:16

今晨打完嘅兩場洲際國家盃A組賽事,葡萄牙以4比0大炒弱旅新西蘭,輕鬆取得A組首名晉級,而墨西哥則喺落後一球下,最後反勝2比1,攞到A組次名,一樣可以躋身準決賽。值得一提,今場為葡萄牙先拔頭籌嘅隊長基斯坦奴朗拿度,至今喺國際賽累積射入75球,已經追平匈牙利名宿哥錫斯嘅紀錄,喺國際賽歐洲史上射手榜並列次席,只差9球,仲可以追上傳奇普斯卡斯,成為歐洲史上入球之王添!

先講葡萄牙對新西蘭場波,葡萄牙今場輕鬆大勝4蛋,其中C朗喺33分鐘為球隊先開紀錄。之後就繼續係葡軍天下,貝拿度施華、米基爾施華同拿尼都各入一球,最終完成大捷。主帥費蘭度山度士喺今場67分鐘將C朗收起,改以拿尼入替,擺明係想等佢保留體力,為4強戰留力。

另一邊廂,墨西哥對住東道主俄羅斯就贏得驚險,佢哋開賽25分鐘就畀森美杜夫射破大門,落後0比1。好彩佢哋都夠淡定,先喺30分鐘由尼斯達阿拿祖追平,然後再喺換邊後7分鐘,憑夏榮羅辛奴建功,反勝喺最後20分鐘打少個嘅新西蘭2比1。賽後墨西哥同葡萄牙都係3戰得7分,葡萄牙就憑較佳得失球壓住墨西哥,攞到小組首名出線。

東網體育同你追實體壇每個精彩時刻! 
http://bit.ly/2ecTF2A 


本文來源:http://hk.on.cc/hk/bkn/cnt/sport/20170625/bkn-20170625020239987-0625_00882_001.html




Tag:
本文鏈接:http://www.trainingcentre-hk.com/16387.html