【香港隊Special】港足4小虎 掀青春革命!

作者:SELMA    發表日期:2018-05-10 16:09:11

冬去春來,萬象更新,就連香港足球也是時候發起青春革命。年僅21歲至23歲的陳俊樂、李毅凱、梁諾恆、黃梓浩獲港隊教練金判坤徵召入選最新大軍名單,在大港腳再度聚首拍住上。面對入籍猛將激烈競爭,這班土產小將期望能以活力抗衡,證明香港製造一樣得!

爭取眼前成績,還是孕育幼苗為重?香港足球談青訓,從來也是兩難。今次隨港隊西征的「年輕」面孔,其實也不算新鮮。陳俊樂早於19歲便曾在世界盃外圍賽後備亮相,李毅凱、梁諾恆、黃梓浩也是「香港B隊」常客。梁諾恆說:「我同樂仔、『王子』最初一齊踢過東方青年軍,後尾就喺亞少盃同阿凱做隊友。今次難得咁齊人,當然希望一齊上陣!」

梁諾恆黃梓浩最叻減壓

「細佬」梁諾恆是近年難得能在球會站穩陣腳的本土中堅,今季「上山」加盟南華於各項賽事正選上陣14場。過往不少年輕球員轉投大球會後,往往難敵壓力一沉不起,「細佬」揚言最緊要靠自己:「以前喺橫濱等細球會,就算輸咗都唔會有壓力,自從上季加盟香港飛馬,球會對各方面要求高咗,對我哋成長有好大幫助,轉投南華亦比預期更快適應。」

季中重返東方龍獅的左後衞黃梓浩,場外怕醜依然,場上卻愈戰愈勇不怯場。「亞冠盃嘅節奏同身體對抗都比港超強,雖然第一場比賽就拎紅牌,但反而可以提醒自己以後比賽要更加集中精神。Kim Sir早前特別同我哋幾個開會,提醒我哋唔好自製壓力。」

波牛陳俊樂讀書都掂

相比起「細佬」及「王子」轉戰大會覓挑戰,去年獲選「最佳青年球員」、又曾出任「B隊」隊長的陳俊樂,季前追隨恩師李志堅加盟和富大埔,除保持招牌勇悍攔截本色,更頻頻上前助攻。早前於富力地產菁英盃4強入球助球隊勇闖決賽,用表現粉碎質疑聲音。「我好清楚依家嘅我最重要係上陣機會,而且仲有一年半先至完成大學課程,大埔訓練時間較容易配合。既然自己當初決定咗要讀書,就只好咬緊牙關堅持,唔想半途而廢。」

李毅凱唔怕入籍兵競爭

有別以往足球員被視為讀書不成波牛,現時不少港超年輕球員也如樂仔邊踢邊讀。不過樂仔場外保持GPA過3的優異成績,證明只要時間分配得宜,也可兩者兼得。除了現實與夢想的掙扎,近年入籍猛將加入競爭,令土產小將上位更難。向來鬥心過人的李毅凱,拒絕就此投降:「相信每個土生土長嘅香港球員,都會以代表香港隊為奮鬥目標。我哋勝在較後生有活力,自己亦嘗試喺唔同位置發展,後衞、中場、左閘都試下,加強競爭力。」樂仔深信可與入籍兵互補長短:「不論任何國籍,只要係好球員都可以帶嚟良性競爭。好似伊達嘅積極態度,就為我哋建立榜樣。若然入籍球員能力好過我哋,我哋更加要不甘示弱,證明自己價值。」唔好畀人睇死,說到底,還是要自己爭氣,才能撐得起香港足球未來。


本文來源:http://hk.on.cc/hk/bkn/cnt/sport/20170322/bkn-20170322003446328-0322_00882_001.html

如新nuskin香港是一家專門針對抗衰老問題而存在的香港公司,裏面項目採用的是全新抗衰老科技,根據用戶各項肌膚檢測出來的皮膚特性提供不一樣的護膚品並且還有針對身體各個項目提供的一系列精品產品。

香港旅業網提供一站式的香港住宿服務、香港旅行社產品、旅遊公司索引,方便各地旅遊同業查詢香港旅遊相關資料,聯繫各界具合作潛力的商業夥伴,全方位拓展業務。




Tag:
本文鏈接:http://www.trainingcentre-hk.com/3639.html